Споделете го вашето искуство!
Еден од најголемите недостатоци на јавна администрација е недостатокот на можности за искажување на нашето видување. Во моментов, не можеме да му кажеме на органот на државната управа што мислиме за одредена услуга, какви проблеми (или позитивни искуства) сме имале, дури ни дали сме задоволни од услугата или не.
Затоа ја дизајниравме оваа платформа за вас. Овде можете да го споделите вашето искуство во врска со вашиот контакт со јавната администрација, а ние ќе го споделиме истото на нашата платформа.
Во нашиот извештај ќе ги вклучиме најчестите проблеми со коишто се соочувате, како и вашите забелешки и врз основа на тоа ќе подготвиме препораки коишто ќе ги споделиме со јавноста и медиумите, како и со донесувачите на одлуки и ќе побараме реформи во областите коишто им причинуваат проблем на граѓаните.
Инструкции за пополнување на прашалникот
Прашалниците се анонимни.
Заради точност на информациите и статистичките податоци, ве молиме означете ја опцијата за вашиот пол, колку години имате, со кој орган на државната администрација сте имале контакт и за која услуга станува збор.
Потоа, ве молиме, опишете го вашето искуство – позитивно или негативно. Исто така, имате можност да приложите слика, аудио или видео или документ по избор, поврзано со вашето искуство.
Потоа, треба да означите дека вашето искуство, како анонимно, може да биде објавено на нашата веб-страница. Потоа, само треба да кликнете на „Поднеси“ и вашето искуство ќе пристигне во нашата база на податоци.